Vawiin chawhma dar 10:00 khan Lunglei DC’s Conference Hall ah Lunglei, Lawngtlai leh Saiha district chhunga Booth Level Officer te training petu tur trainers ten training an tan. Training hi Jt.Electoral officer Pu H.Lalengmawia’n hawngin Election Commission of India Observer Santosh Kumar pawh in a rawn telpui a ni. Vawiin a tan training hi ni 31st August ah zawh a ni ang.

District pathum tan a training rawn endiktu Santosh Kumar, ECI official chuan trainers te chu an thil zirah ram tana thawk tih in hriain an rilru zawng zawng pe se tha atih thu a sawi a, an hna pawimawh tak fel fai taka thawk tur chuan dan hriat, taimak leh election kalphung hriat a ngai a ni a ti. Training hawngtu Pu H.Lalengmawia Jt.CEO chuan Election chungchang khawihtu leh Election department in mawhphurhna a pek te chu ECI hnuai a thawk an nih avangin an hna a pawimawh a - dan felfai tak awmsa zawmin fimkhur taka an mawhphurhna an hlen a ngai a ni a ti.

CEO PuK.Riachho, IAS kaihhruaina hnuai ah Mizoram chu EPIC chauh hmang state 6 zing ah a tel tawh thu a sawi a, tunah hian Election chungchang a hrasatna leh hriat chian duh nei te tan darkar 24 chhung man chawi lova biak pawh theih phone number 1950 chu ECI duhdan in peih fel a ni tawh a, he phone number hi  biak pawh theih reng ani tawh ani a ti. Jt.CEO chuan trainers te chu BLO te ang thovin mipui hnen ah Election chungchanga zirtirna pe tur a ngen an ni a ti. Inthlang ram kan nih avangin inthlanna felfai a awm a ngai a, he mi zirtirna leh hlawhtlin nan hian Press mite puihna leh inpekna a pawimawh hle a ni ati bawk.

Training chhung hian trainers te hian Dr. Andrew H.Vanlaldika, EO, Lunglei, R.Vanlalsawta, ACEO leh H.Lalhmingthanga, E.O Saiha ten training an pe ang.