Vawiin chawhnu dar 1:00 khan Lunglei Saikuti Hall-ah Industry leh Vety Department te hnuai a NLUP dawngtu te 2nd Installment Pu S. Laldingliana Parliamentry Secretary in a sem.

Pu S. Laldingliana chuan thusawiin sawrkar in mirethei leh miharsa te khai chhuah nan leh an din chhuah theih nan NLUP chu atak a sem ani ta a, NLUP in a tum ber chu eizawn na nghet siam sak leh ramngaw kan tih chereu loh nan ram nghet a eizawn na siam sak a ni. NLUP a hlawhtlin ngei ngei na turin taimak na leh rinawmna nen a thawk turin a duh thu a sawi bawk. Sawrkar in a tih tur a ti zel ang a, a dawngtu ten in dawn rual hian tihtur in nei a, in mawh phurhna hlen a ngai a ni a ti. Taimak leh tumruhna nen dawngin hlawhtlin pui ngei turin a chah bawk. Sawrkar in thalai te tan thil tam tak a ti mek a, infiammi ten hma an sawn theih nan Incentive Cash Award pek a ni a, sports ruhrel tam tak siam a ni a ti. Power a kan intodelh theih nan lui lam pawh khuah mek a ni, a ti bawk.

Industry Department hnuaia NLUP dawngtu te chu chhungkua 792 hnen ah Rs. 409,78,600, sem a ni a, chung te chu Lunglei ‘N’ ah beneficiaries 77 te hnen ah Rs. 406,72,00, Lunglei ‘S’ ah beneficiaries 118 hnen ah Rs. 606,49,00, Lunglei ‘W’ ah beneficiaries 273 hnen ah Rs. 135,84,000, Lunglei ‘E’ ah beneficiaries 299 hnen ah Rs. 157,11,900 leh Thorang ah beneficiaries 25 hnen ah Bawng, Vawk leh Ar vulhtu te hnen ah NLUP 2nd Installment sem a ni bawk.

Inkhawm hi Pu Zathangliana, SDC Nodal Officer NLUP in a kaihruai a, Pu H.Thangmawia, General manager DIC leh Dr.F.Lalramhluna, Vety Dept. ten Training an pe bawk a ni.