Vawiin khan Mamit Chhim veng Hall-ah Training of Blood Donation Donors chu hman niin Dr. Eric Zomawia, Project Director, MSACS in a hmanpui.

He training hi Dr. Vanlalfela, Senior Medical Officer, Mamit kaihhruaiah hian thu sawiin Dr. Eric Zomawia chuan thisen hi nunna chhanhim nan a tangkai ang bawkin, thisen hi nunna lak nan a awlsam hle a, hei vang hian Doctor te pawh fimkhu a tul hle a ni a ti. Mizoram pum ah hian thisen lak a vawn thatna Blood Bank 10 (sawm) awmin thisen vawn thatna ringawt Blood storage 9 (pakua) a awm a ni, nikum 2011 April thla atanga December thla chhung khan a mamawhtute tan a thlawn a thisen pek Voluntary Blood Donation hi Mizoram pumah 90 % a ni a, Mamit District ah 84 % niin kumtawp thleng chuan hei aia sang zawk ni tura tan lak a tul thu a sawi.

Dr. Lalhmunmawii Blood Bank Officer, Mamit in kum 2011 chhunga Hospital dinhmun tlangpui report pe in Blood Donation Camp 10 (sawm) neih niin Hospital ah 6, hmundangah 4 (pali) neih niin tlawmngai a thisen pek 179, mimalin a pek 35, rikrum thil a pek 24 a vaiin unit 238 thisen dawn a ni. Thisen hi June leh July thla hian Malaria hluar hun a nih avangin mamawhna a sang bik a Unit 50 vel mamawh thin a ni.

He hunah hian Pu Ronghakliana Chhangte, AVBD, Mamit District President in District hmalakna hrang hrang report a pe bawk.

He training ah hian Tlawmngai Pawl hrang hrang leh chanchinbu mite an tel a ni.