Vawiin chawhma dar 11 : 00 khan “Siaha City Mission Management Unit UD & PA Department Siaha” te buatsaih in DC’s Conference Hall, Siaha-ah “Training on Street Vendors under DAY-NLUM” chu hlawhtling taka neih a ni.

He Training hi Pi Marilyn Rualzakhumthangi, District Project Officer, NLUM Siaha District, Siaha leh S.D.O. (S) Siaha District, Siaha nibawk chuan a kaihruaia, Training neih chhan sawihawnna neiin Siaha District a Kawngpui kama thil zuartute nena awmze nei zawk a kal anih theih nan Training hi buatsaih anih thu a sawi a, he training hian Siaha khawpui chhung chauh a huam ani a ti bawk. Street Vendor chungchang ngaihtuah turin District Bawrhsap kaihhruaina hnuaiah “Town Vending Committee” pawh mumal taka din tawh anih thu leh khawpui chhunga Vending Zone te pawh enfel anih tawh thu a sawi a, He training ah hian Siaha khawpui chhung veng hrang hrang atangin Village Council Member te an tel tha hle a ni.

Training ah hian Pi Malsawmdawngliani, SMMU,SM&ID chuan Support to Urban Street Vendors (SUSV) of National Livelihood Urban Mission (NLUM), Concept and Principles of Self Help Group (SHG), Federation, Micro Enterprise Management, Mizoram Street Vendors ( Protection of Livelihoods & Regulation of Street Vending) Rules, 2015 Street Vendors, Act 2014 chungchangte a sawi a. Pu Lalramsanga, Chief Judicial Magistrate, Siaha chuan Mizoram Street Vendors ( Protection of Livelihoods & Regulation of Street Vending) Rules, 2015 leh Street Vendors ( Protection of Livelihoods & Regulation of Street Vending) Act, 2014 bakah he danin a a huam hrang hrangte asawi lang bawk.Pi Dr.Lalnunziri, Medical Officer, Siaha chuan Ei leh In him tawk leh hrisel tha kan ei thin pawimawh zia leh kan bawlhhlawmte a hmun taka paih a pawimawh thu leh hriselna atan pawh a tul ani, ati bawk. He Training ah hian Street Vendors te chungchangah Mizoram Sawrkar leh Mara Autonomous Dictrict Council te thawhhona tha tak neih a pawimawh thu sawilan ani a, Zawhna leh chhanna hun te neih ani bawk. Naktuk tahrik 20 hian Siaha khawpui chhunga Vendors te Training neihpui leh tura ruaihman ani.