NABARD Concultancy Services chuan ni 30 leh 31 January, 2014 chhungin "Capacity Building Programme on Commodity Futures Market", NABARD Regional Office, Aizawl ah a nei a. He training program ah hian sawrkar Officer lian te leh Central Agriculture University lama mithiamte an tel tha hle.
Dr Aparna Kolte, Associate Consultant, NABCONS, Mizoram Regional Office, Aizawl chuan kalkhawmte chibai bukin, Shri R Sankar, Deputy General Manager/OIC, Mizoram Regional Office, NABARDS chuan he training in Mizoram mipuite tana a thil tumte leh a hlawkna turte a sawi. Pu R Sankar chuan Future Markets chu loneitute tan thlai thar hralhna man tha zawk leh rintlak zawk a lo awm theihna turin a pawimawh hle ani ati bawk. Hei hian lo neitute tan an thlai chin tur thlan lawk theihna leh a hralhna tur a harsatna an tawh lohna turin a pui a ni.
He programme a Chief Guest, Dr C Lalzarliana, Director, Department of Agriculture, Government of Mizoram chuan lo neitute tan thlaihralhna rintlak a pawimawh zia sawiin, Commodity Future Markets chu lo neitute tan a hriatchian leh zual a tangkai zia a sawi bawk.
Dr D Kathiresan, Dean, Veterinary College, Central Agriculture University, Selesih, Aizawl pawhin he training hi Mizoram tana thil tangkai tak anih thu a sawi.
He training program ah hian ni 2 chhungin session pariat lai a awm a, chutah chuan D Hari, DGM(Retd.), NABARD and Shri R Sankar, DGM/OIC, NABARD, Mizoram RO, Dr Aparna Kolte, Associate Consultant, NABCONS, Mizoram Regional Office, Aizawl leh Pu William Lalremmawia, Karvy, Aizawl ten zir chianna hran hrang an tarlang ang.
