Administrative Training Institute (ATI) leh National Institute of Disaster Management (NIDM), (MHA, GoI, New Delhi) te tangrual chuan tun kar chhung (30th January – 3rd February, 2012) in ATI Conference Hall ah Training on Disaster Safe Hill Area Development an buatsaih a. Sorkar department hrang hrang atangin officer 20 zet an training a, NIDM atanga lo kal Professor Chandan Gosh leh Dr. Surya Parkash ten an zirtir thun dawn bakah ATI, Mizoram-a faculty Dr. Lalrokima Chenkual, Head Faculty leh Er. Lalbiakzuala, Associate Professor ten zirtirna an pe ang.

Training hawnnaah hian ATI Director, Pu R. Lalvena, IAS in thu sawiin Mizoram chu tlangram anih avang leh ram thang mek zel anih angin chhiatna thleng palh theite hre reng a, hmasawnna lama hmalakna leh ruahmanna kalpui a ngaih thute, chhiatna thlen huna district administration pawimawhna te, training te pawh a tak taka tihhlawhtlin theih hi a tul thu leh chhiatna thlen huna tihdan tur duanna pawh a tak taka hmantlak leh theih a ngaihthute a sawi a ni.