2575/2022-2023
Aizawl the 9th November, 2022 : Vawiin khan Assembly Annexe Conference Hall-ah Training on National e-Vidhan Application for Nodal Officers chu Pu Lalhmahruaia Zote, Commissioner & Secretary, Mizoram Legislative Assembly chuan a hawng.

Training hawngtu Pu Lalhmahruaia Zote chuan Digital India hnuaiah India ram chu digital lama nasa taka tihhmasawn turin hma lak mek a ni a ti a. Ministry of Parliamentary Affairs hnuaiah ram rorel khawlte pawh e-Vidhan Application hmangin paperless-a kalpui an nih theih nan chak taka hmalak chhoh mek a nih thu leh Mizoram pawhin Speaker Pu Lalrinliana Sailo leh Deputy Speaker Er.Lalrinawma te kaihhruaina hnuaiah hma a lak mek thu a sawi. He project hian sawrkar sum tam tak humin, sawrkar langtlang leh rang zawk mipuite tan a chhawpchhuak dawn a ni a ti. SBL Knowledge Services Limited te nena thawk hovin paperless-a rorel thutkhawm neih vat theih an inbeisei thu leh hemi atan hian Mizoram sorkar hnuaia Department hrang hrangte nena thawhhona tha zawk a awm theih nan training hi a hawng a ni.

National e-Vidhan Application hmang hian Assembly rorel thutkhawm a business hrang hrang Questions & Answer-te, Presentation of Reports, Bill leh a dangte chu House-a pharh a nih rualin mipuite hmuh theih turin chhawpchhuah a ni dawn a. Training-ah hian sawrkar department hrang hranga Nodal Officer-te telin, November ni 11, 2022 (Zirtawpni) thleng a awh dawn a ni.