Vawiin chawhma dar 10:30Am khan District Level Committee on Disability te buatsaihin MADC Forest Hall-ah Rualbanlote hamthatna danpui 'Rights of Persons with Disabilities Act, 2016 (RPwD Act)' zirhona hun hman a ni. He Rualbanlote hamthatna leh dikna chanvo inzirtirna hun leh zirhona hun hi Pi Caroline Hmingthanzuali, DSWO chuan a kaihruai a ni.

Siaha District chhunga Sawrkar Department hotute leh NGOs hruaitute zinga Rualbanlote hamthatna leh dikna chanvo inzirtirna leh inhrilhriatna hun hmanah hian Pi Caroline Hmingthanzuali chuan thu sawiin, Rualbanloten khua leh tui an nih ang ngei a an chanvo an dawn ve theina turin he dan hi siam a ni, a ti. Rualbanloten an dikna chanvo an dawn ve theina turin vawiin programme a telte chu tanpuitu tha, thlamuantu tha nih tum theuh turin a chah hlawm a ni.

'Different types of Disabilities and their identification' tih thupui hmangin Pu Lalmalsawma, Co-ordinator, RMSA chuan kalkhawmte zirtirna pein,  Pi Caroline Hmingthanzuali, DSWO pawhin 'Rights of Persons with Disabilities Act/ MRPwD Rules) sawi zauna leh hrilhfiahna hun a hmang bawk. Pu F. Vanlalruata, State Co-ordinator for UDID, SWD pawhin UDID chungchanga hriattur pawimawhte sawina hun a hmang  bawk a ni.

Pu RS. Lalrinpuia (PwD), Lecturer, DIET pawhin harsatna a lo tawn tawhte leh a lo paltlang dante sharing a neih hnuin, zawhna leh chhanna hunte hman niin, Pi Caroline Hmingthanzuali chuan lawmthu sawina hun hmangin vawiin programme hi a titawp a ni.