Vawiin khan nihnih awh tur chhimlam District Pathum : Lunglei, Lawngtlai leh Saiha District ten DPO (SSA) Recreation Hall, Lunglei ah Unified District Information System for School Education (U-DISE) Training chu neih a ni. He training ah hian District pathum atanga School Education Department hnuai atangin DEO, SDEO, DPL (SSA & RMSA), Dy. PPC (SSA & RMSA), BRCC, CRCC, MIS Co-Ordinator, Data Entry Operator leh MDM atangin an kal kim hle. He training hi Pu R. Lalthakima, DEO, Lunglei in kaihruaiin hawnna thu a sawi a, he training in a tum ber chu School Education Department hnuaia branch hrang hrang ten Data inangtlang nei tura hmalak a ni a ti. Govt. of Mizoram, Department of School Education, Annual Publication 2014 chu Directorate of School Education, Aizawl aiawhin a tlangzarh nghal bawk.

Pu Chawngthantluanga, Dy. SPD (RMSA), Pu Lalnunzuala, IS & Nodal Officer, MDM, R.Lalremsangi leh David Lalremtluanga MIS, Co-ordinator ten training an pe a ni. Training na ah hian Data Capture Format chu zirho a niin, zawhna leh chhanna hun hman a ni. Trainer 130 vel an tel a ni.