Vawiin khan School Education Department hnuaia thawktute tana buatsaih ni hnih awh tur Training Programme on Application of Data Entry of Teachers Profile Softward & School Information Software Statistical Cell Education Department buatsaih chu School Education Department Conference Hall-ah neih tan a ni.

He training Programme hawngtu Pu Lalhmingthanga, IAS, Director, School Education department chuan thu sawiin Teacher Profile te hi vawnthat a pawimawh hle a, changtlung zawka software hmanga Teachers’ Profile hi vawn that a lo nih theih nan leh Department hmasawnna rahbi pakhat a nih beisei chungin sum senga software lei a nih thu te, he software tuna a hman tangkai dan tur zirho tur atang hian statistics pawimawh tak tak teachers profile hrang hrang mamawhte chu hriat zung zung theih tura ruahman leh beisei a ni a. Ram thang chho mek zelah Software hi a that em em rualin a hmangtuten uluk leh fimkhur taka an hman thiam a pawimawh hle a, chu mi hmang thian tur chuan he training chhung hian taima taka an thil zir ah te rilru pe turin kal khawm te a fuih a ni.

Training hawnna programme hi Pu B. Lalchhuanliana, Joint Director, School Education Department in kaihruaiin Training buatsaih chhan a nih chungchang sawifiahna hun a hman bakah training a lo kal te chu an hnathawhna theuh a taima leh rintlak tak a thawk turin leh a dik ni a an hriat ah chuan tangngam khawp a thawk tha turin a chah tel bawk.

He training programme ah hian Pu K. Vanlalliana, Software Designer hnen atangin thil hriattur pawimawh te Power Point Presentation hmang a ngaihthlak a ni a. District atangin Officer leh Statistical Assistant, Computer Operator te an tel tha hle.