Pu P.C. Zoramsangliana, Minister, Transport, Art & Culture leh P & S chu vawiin chawhma khan 11th National Road Safety Council Meeting, Vigyan Bhawan, New Delhi-a nghahah tel in Mizoram House atangin Liaison Officer Pu K.O. Ajay Kumar an a tawiawm a. He meeting ah hian India rampum huapa Motor Vehicle Act siamtha tura hmalak dan te, Driving Licence leh registration Certificate vawn thatna tura State leh National dan chungchangte sawiho a ni. Heng chungchanga Mizoram bika hmalak anih dan leh kan dinhmunte Minister hian chiang takin meeting-ah hian a tarlang a. Kan kawng dinhmunte leh thildanga hmalak a ngaih zualna te pawh Minister hian meeting-ah hian a sawilang bawk.
He meeting-ah hian Mizoram leh India ram hmun hrang hranga Model Driving Training Institute din anih tur thu te Minister hi meeting-ah hian hriattir a ni bawk.
Vawiin vek tlai dar 4 khan Pu Ramsanga chuan Pi Ambika Soni, Union Minister for Tourism & Culture chu hmu in, Mizoram mamawh hrang hrangte a thlen zingah kum 2006 daih a sak tawh Mini Multipurpose Cultural Complex, Lunglei ami chu a hmun duhthu samna hmunah thlak leh a nih avangin cheng nuai 108 an lo sanction tawh bak 2nd Installment release turin a ngen. Hemi bakah hian Multipurpose Cultural Complex, Kolasib District, Mamit, Champhai, Lawngtlai leh Saiha ah sakna tur a thehlut bawk.
Pu Ramsanga chuan NE Cultural Zone Centre hmuna Mizoram Pavillion chu Museum a leh theihna turin sum mamawhte dilna Pi Soni hnenah a thehlut bawk a, mi 200 lek lenna Lunglei Auditorium chu tihlen leh sakthat a ngaih tawh thu sawiin, sum mamawhte a dil nghal bawk a, XIX Commonwealth Games, Delhi-a thlen turah Mizoram Cultural Troupe liantham ten hnam lam an entir theihna turin hma laksak turin a ngen bawk.
Pi Soni chuan theihtawp lo chhuahpui a tum thu Mizoram Minister chu a lo hrilh.
Vawiin vek tlai dar 4 khan Pu Ramsanga chuan Pi Ambika Soni, Union Minister for Tourism & Culture chu hmu in, Mizoram mamawh hrang hrangte a thlen zingah kum 2006 daih a sak tawh Mini Multipurpose Cultural Complex, Lunglei ami chu a hmun duhthu samna hmunah thlak leh a nih avangin cheng nuai 108 an lo sanction tawh bak 2nd Installment release turin a ngen. Hemi bakah hian Multipurpose Cultural Complex, Kolasib District, Mamit, Champhai, Lawngtlai leh Saiha ah sakna tur a thehlut bawk.
Pu Ramsanga chuan NE Cultural Zone Centre hmuna Mizoram Pavillion chu Museum a leh theihna turin sum mamawhte dilna Pi Soni hnenah a thehlut bawk a, mi 200 lek lenna Lunglei Auditorium chu tihlen leh sakthat a ngaih tawh thu sawiin, sum mamawhte a dil nghal bawk a, XIX Commonwealth Games, Delhi-a thlen turah Mizoram Cultural Troupe liantham ten hnam lam an entir theihna turin hma laksak turin a ngen bawk.
Pi Soni chuan theihtawp lo chhuahpui a tum thu Mizoram Minister chu a lo hrilh.
