Vawiin chawhma khan Mizoram State Road Safety Council(MSRSC) chu Transport Minister Office, New Secretariat Complex-ah Pu John Rotluangliana, Mizoram State Transport Minister leh Chairman,MSRC ni bawk hovin an thukhawm a. MSRSC hi November 25, 2016- khan lirtheia chuang leh kawngpui dunga veivakte him zawkna tur ruahmanna siama, ngaihtuah tura din niin tun hi an thutkhawm vawikhatna a ni.

Meeting kaihruaitu, Pu John Rotluangliana, Minister, Transport, FCS&CA, etc., chuan natna khirh leh hlauhawm pui pui aiin kumtin lirtheia chetsualna avanga nunna chanta an tam zawk thu sawiiin lirtheia chuangte an lo himzawkna tur kawng dap chu hna pawimawh tak a ni a ti a. Lirthei hmangtute an lo him zawkna tur leh lirtheia chetsualna a lo tlem zawkna tura ruahmanna siam mek a nih rualin hemi kawnga inkaihruaina tur dan 'State Road Safety Council Act' pawh State Legislative Assembly ah a rang lama pharh a nih theihna turin uluk taka duan mek a nih thu a tarlang.

MSRSC meeting ah hian MSRSC rawtna siam leh hmachhawp te bawhzui tura Lead Agency din chungchang, MSRSC hnathawhna tur sum dap dan tur, lirtheia chetsualna a lo tlem zawkna tura ruahmanna siam, chetsual zinna hmun zawnchhuaha hmun him zawka chantir, kawngsiam anih apianga road safety audit neih hmasak tur chungchang, licence pekchhuah khirh zawka kalpui, lirthei khalhtu danbawhchhia te licence hrensak chungchang , state chhung kawngpui leh National Highway dunga Zu Dawr awm te 100 metres aia hla zawka sawnchhuah chungchang te rel a ni.

Mizoram State Road Safety Council(MSRSC) ah hian Transport Minister chu Chairman niin Parliamentary Secretary Vice Chairman ah dah a nih rualin Parliamentary Secretary sawkarin a neih loh chuan Chief Secretary chu Vice Chairman dinhmun luahtu ah dah a ni. Member dang te chu : Secretary, Transport - Member Secretary, Secretary, Planning Department, Secretary, H&FW, Secretary, PWD, Secretary, Home, Secretary, UD&PA, Secretary, Finance, Secretary, H&TE, Secretary, School Education, Secretary, ICT, Secretary, E&ND, Municipal Commissioner, AMC, CEO, Lead Agency leh Director, Transport te an ni.