Vawiin chhun khan Transport Minister Pu P.C. Zoram Sangliana office chamber ah Transport Department Driving School zirchhuakte (batch 12-na) thlahna hun hman a ni.
Minister chuan motor khalh dan zirchhuakte chu a lawmpui thu sawiin an tan leh Transport department tan pawh ni chhinchhiahtlak tak a ni a ti a, Mizoramah motor a pung chak em em a, chawhruala nitin motor thar 25 vel register a nih laiin motor khalh thiam tak tak erawh an tlem em em a, hei vang hian motor khalh dan zirchhuakte chu sawrkarin uluk taka theory leh practical class nena a zirtir hnu ah eizawnna atan leh rintlaka motor khalh thei tura tling tawka a ngaih an nih avangin mawhphurhna lian tak an nei a, an thil zir leh thiamte chu mipuite him zawk na tur ngaihtuaha driver dangte pawh zirtira hrilh chhawng thin turin a chah bawk a ni. Hei bakah hian motor khalh dan zirna changkang leh him zawk (driving stimulator) pawh neih thuai anih theih nan Sawrkarin hma a la mek ani tih a sawi a, motor khalh dan zirchhuakte chu ruihtheih thil laka fihlima, piantharna diktak nen rinawm taka an hna thawk turin a fuih a, "Lal Isua" nen motor khalh reng turin a chah bawk a ni. Minister hian motor khalh dan zirchhuakte hnenah hian Certificate leh Driving license a hlan nghal theuh bawk a ni.
Transport Department Driving School hi September ni 1, 2006 khan Central Workshop, Hlimen a mi behchhan a din a ni a, Principal hna pawh Works Manager, Central Workshop-in a kawp a, tunah hian thawktu mi 9 awmin LMV zirna chiah an kalpui rih a, motor khalh zirna atan Gypsy 2 leh Maruti car 1 an nei a, Driving School Bus 1 an nei bawk. He Driving School atang hian mi 377 in an zirchhuak tawh a, vawiin a zirchhuak thlah tak te hi batch 12-na an ni.
Driving School-a motor khalh zir hun chhung hi thla hnih a ni a, kum khat (Financial Year) chhungin Batch 3 (May-July, September-November leh January-March) in an zir hman thin a, bathch khat atan mi 30 zel lak thin niin Theory hi Driving School, Hlimen ah zir a ni a, Practical class hi Tuirial Airfield-ah neih thin a ni a, zirlaite tan hian a thlawnin Bus tlan tir a ni bawk. Motor khalh zir duh tan Admission hawn chhungin dilna form Rs. 10/- a leiin dilna thehluh thin a ni a, a diltute chu Selection Board ten interview neiin an thlang thin a ni. Motor khalh zir man hi Rs 3500/- a ni a, Department hian Learner License leh Driving License fee te a tum sak vek thin a ni.
Vawiina thlah tak Batch 12-na zir tur hian mi 96 in an dil a, chung zing ami 30 te chu thlan niin zirlai 29 ten tha takin an zir zo thei a ni.
He inkhawm hi Pu Dawngliana, MCS, Transport Director-in a kaihruai a, Pu Zothangzuala Chhangte, Principal, Driving School-in report a pe a, Driving School-a zirtirtute leh zirchhuakte an tel kim hle a ni.
Transport Department Driving School hi September ni 1, 2006 khan Central Workshop, Hlimen a mi behchhan a din a ni a, Principal hna pawh Works Manager, Central Workshop-in a kawp a, tunah hian thawktu mi 9 awmin LMV zirna chiah an kalpui rih a, motor khalh zirna atan Gypsy 2 leh Maruti car 1 an nei a, Driving School Bus 1 an nei bawk. He Driving School atang hian mi 377 in an zirchhuak tawh a, vawiin a zirchhuak thlah tak te hi batch 12-na an ni.
Driving School-a motor khalh zir hun chhung hi thla hnih a ni a, kum khat (Financial Year) chhungin Batch 3 (May-July, September-November leh January-March) in an zir hman thin a, bathch khat atan mi 30 zel lak thin niin Theory hi Driving School, Hlimen ah zir a ni a, Practical class hi Tuirial Airfield-ah neih thin a ni a, zirlaite tan hian a thlawnin Bus tlan tir a ni bawk. Motor khalh zir duh tan Admission hawn chhungin dilna form Rs. 10/- a leiin dilna thehluh thin a ni a, a diltute chu Selection Board ten interview neiin an thlang thin a ni. Motor khalh zir man hi Rs 3500/- a ni a, Department hian Learner License leh Driving License fee te a tum sak vek thin a ni.
Vawiina thlah tak Batch 12-na zir tur hian mi 96 in an dil a, chung zing ami 30 te chu thlan niin zirlai 29 ten tha takin an zir zo thei a ni.
He inkhawm hi Pu Dawngliana, MCS, Transport Director-in a kaihruai a, Pu Zothangzuala Chhangte, Principal, Driving School-in report a pe a, Driving School-a zirtirtute leh zirchhuakte an tel kim hle a ni.
Attachment
- Loading attachment...
