Vawiin chawhnu dar 1:00 khan  Pu P.C. Zoram Sangliana Transport Minister chuan Lunglei a a department enkawl hrang hrang te a tlawh. A hmasa berin MST station a tlawh a, staff te hma a thu sawiin Minister chuan tunhma in he department hi mi nuihzat lo ni tawh thin mahse tunah chuan department piangthar ni turin hma kan la mek a ni a ti. A sawi zelna ah chumi ni tur chuan hnathawktute dawhkan a ni emaw Bus a ni emaw  Isua nen thawkin khalh kan tum tur a ni a ti. Driver leh Conductor zawng zawng te pawh Uniform pek vek tum in ni a, chumi hunah chuan hnathawktute dinhmun a lang chiang dawn a ni, a ti. Lal Isua nen a thawk zel a mipui tana theihtawp a tan la turin thawktute a fuih bawk.

Chumi hnuah Senior Research Office te tlawh in a hmun ah enna a nei Multipurpose Cultural Complex Sazaikawn a mi sak mek pawh Minister hian a hmun ah a tlawh bawk. He Cultural Complex hi cheng nuai 200 senga sak mek a ni.

Chumi hnu leh ah DTO Office a tlawh bawk. DTO hian kumin chhungin motor 1054 registered in tunah hian MZ-02-9903 thleng registered tawh a ni. April - July 2010 chhung Revenue hmuh zat chu cheng nuai 30 chuang niin Driving Licence issued zat April - July, 2010 chhung chu 1924 a ni.

Minister hian Asst. Controller P&S Office tlawhin an harsatna engemaw zat thlen te chu enfiah a tih hmasawn anih tur thu a sawi bawk. P&S te tih changtlun tum a ni a, internet pawh thlunzawm vek tum a ni a ti bawk. Minister hian Printing Press te tlawh in heng bakah pawh hian Museum te, Library Saikuti Hall a mite tlawhin Art & Culture Auditorium te pawh a tlawh bawk.

Minister hi Aizawl atangin Pu Lalbiakthanga, Jt. Director, MST leh Pu R. Hmingthanzuala, Deputy Director Art & Culture ten an tawiawm a ni.