Transport Minister Pu P.C.Zoramsangliana chuan December 19, Inrinni khan Krismas chibai bukin hmun hrang hrang a tlawh a. Dawrpui Vengthar Indoor stadium-ah kum 80 chin chung lam mi 30 hnenah Krismas thilpek atan bah lum tur muffler a pe a. Minister nupui Pi Lalthlamuani, MHIP Hqrs. President chuan Dawrpui Vengthar MUP hnenah Rs.2000/- a hlan bawk a ni.

Hemi ni hian Pu Zoramsangliana chuan Tuikual-a Motherless Baby Home tlawhin Krismas an hman nan Rs.3000/- a hlan a. Zonuam-a HIV/AIDS positive naupang enkawlna hmun Gan Sabra pawh tlawhin Rs.5000/- a hlan bawk a ni.