No.1560/2020-2021

Minister of State Pu TJ.Lalnuntluanga chuan vawiin khan Hnahthial tlawhin a department enkawl Environment, Forest & Climate Change, Transport leh Law & Judicial hmunhma turte enfiahin Hnahthial District Bawrhsap Pu Vanlalmawia leh khawtlang hruaitute chu hmalak dan tur a sawipui.

Minister Pu TJ.Lalnuntluanga hi Hnahthial District Bawrhsap Pu Vanlalmawia chuan a chenna bungalow-ah lo dawngsawngin a kaihhruaina hnuaiah inkawm hona neih nghal niin Minister Pu TJ.Lalnuntluanga chuan "District tih changtlungna kawng kan zawhah hian ngaihtuahna zau tak neiin Department lo awm hmasa tawh hmun ma zau neite hian lo la awm thar turte sahthlak duhna kan neih a tul hle dawn a ni" tiin District chu hmasawnna leh economy chawikang tu a nih thu a sawi a ni

District tih changtlung nan District Capital Master Plan siam a tul thu thu sawiin Minister Pu TJ.Lalnuntluanga chuan "reilo te ah khawpui tawt nih mai hi thil awl tak a ni. Sawrkar inrelbawlna pawimawh pathum zinga pakhat chu Judiciary a nih avangin Law & Judicial Deptt Office tur pawh hi hmun laili leh a lailum ah awm thei se a tha hle a ni. Chutih laiin Transport Deptt te erawhchu khua atanga hla vak lo daifem deuhah te pawh awm mahse thil pawi niin a lang lova khua tih lenna atana thil tha tak a ni" a ti bawk

Covid 19 dona kawngah Sorkarin theihtawp a chhuah thu leh ramri a  duty thinte harsatna tawh te chu MLA leh Minister ten chiang taka an hriat theih nan a an duty na hmunah kal chilhin an tlawhkual mek thu a sawi bawk a ni.

Attachment

  • Loading attachment...