Vawiin chawhma dar 10:30Am khan KVK, Siaha District buatsaihin Tree Plantation Drive leh Kishan Gosthi hun an hmang. He programme hi Dr.H.Vanlalhmuliana, Senior Scientist leh Head, KVK Siaha District chuan kaihruaiin, Pu Zoramthanga, District Agriculture Officer, Siaha District leh Pu Vansanga, Divisional Horticulture Officer ten he hun hi an hmannpui a ni.

He hunah hian Siahatla VC-I, II & III huamchhunga loneitute hnenah fuina thu tha tak takte sawiin, Thing leh Mau humhalh pawimawhna te, thingtiak kan phun tur te leh kan phun tawhte venhimna kawnga tan lak a ngai ziate, Thingtiak phun satlia lova dam khawchhuak tura theitawp chhuah enkawl zui a tul ziate chipchiar takin zirtirna leh hrilhfiana hunte an hmang a. KVK Staff te leh Siahatla a Kohhran hrang hrang thalai pungkhawm te chuan Thingtiak pahnih theuh an phun nghal a ni.

Vawiina Thingtiak phun turte hi Environment & Forest Department, MADC ten a thlawna an pe a ni.