Tripura rama Chanchintha thlen kum100 na (Gospel Centenary) chu November 23rd-25th, 2011 khanVanghmun, Jampui ah ropui taka lawm a ni. He hunah hian Tripura a Kristiante leh Mizoram kohhran hrang hrang hruaitu te leh Zaipawl te bakah India ram leh khawvel hmun dang atang pawhin kohhran mite an fuankhawm tha hle a ni. Pu Joseph Lalhimpuia MLA, Vice Chairman, High Powered Committee Lunglei pawh sawm a nih angin he hun ropui tak hi a hmanpui bawk.
Tripura hi tunhma chuan Hill Tippera tih ni in Reng Lal ram, mahni a ro in rel (Independent) a ni thin a, kum 1920 khan Hill Tippera tih chu Tripura ah thlak a ni. India independent hnuah hmun hnihah then in a ram bung khat Chakla Rosnabad chu East Pakistan ah betin Tripuira erawh chu 9th September, 1947 a India a zawm hma chu Independent a ni zui zel a ni.
Sailo Lal, Raja Hrangvunga leh amah zuitu Kristian chhungkaw 70 zet te chuan Jampui Tlangdung, Phuldungsei-ah awmhmun khuar turin 25th November, 1911ah an lut a, he ni hi Tripura ram a Chanchintha thlen ni ah pawm a ni ta a, chuta tang chuan hmuntinah Chanchintha mei a lo alh chhuak ta a ni.
Pu Joseph Lalhimpuia chuan lawmpuina thu sawiin Tripura a Mizo kristiante chu Zonunmawi vawn nun kawngah te, tlawmngaihna leh taimakna kawngah te Zofa hmun danga mite entawn an nih thin thu a sawi a, hei hi Isua Krista nun dan a nih thu leh chhunzawm zel turin a sawm bawk.Pu Joseph Lalhimpuia hian lawmpuina thilpek a hlan a ni.
