4874/2024-2025

Khawzawl, dated 28th March 2025: Vawiin khan Agriculture Department chuan Tualpui khuaa Tung ching tur chhungkaw 80 te hnenah zirtirna an pe a, Pi Lallawmzuali, District Agriculture Officer, Khawzawl chu chairman niin hun a kaihruai.

Pu Lalringliana, Joint Director (Planning), Directorate of Agriculture and Farmers Welfare Department chu he hunah hian lo telin mipui kalkhawm te hnenah thu a sawi a, Tung ching tura an inbuatsaihna lah tihtak zeta hma la turin a fuih a, chhungkaw tin te hmasawnna atan leh eibel a hmang thei tur khawpa hlawhtling turin a chah a ni.

He hunah hian Pu F. Laltluangkima, Deputy Director (Planning), Directorate of Agriculture and Farmers Welfare Department chu a lo tel bawk a, mipui kalkhawm te Tung chin dan chungchangah zirtirna a pek hnuah FPC hruaitute inthlanna a neihpui nghal bawk a ni. 

Tualpui khuaah hian cluster (zau) khatah tin 250 hmunah chhungkaw 80-in Tung an ching dawn a ni.

He hun hi Agriculture Department officials te bakah AMFU, Khawzawl District hruaituten an hmanpui a ni.