43/2026-2027

Lawngtlai, 6th April 2026: Tuialhthei leh eirawngbawlna gas renchem taka kalpui chungchangah a hnuaia mi ang hian Lawngtlai Bawrhsap chuan thupek a tichhuak.

ORDER

*No.J.11013/1/2025 - DC (LTI): Tunlai khawthlang ram buaina avangin mipui mamawh tuialhthei leh eirawngbawlna gas renchem taka kal pui angaiin mipui ten harsatna kan tawh loh nan ruahmanna siam a tul hle mai a. Hemi chungchang hi state Sawrkar, Food, Civil Supplies & Consumer Affairs, Government of Mizoram pawhin ram chhung dinhmun vil rengin district tin a thuneitute, hmalakna kalpui turin a lo hriattir tawh bawk a ni.

Lawngtlai District chhungah pawh Sawrkar duhdan leh hriattirna angin mipui nawlpui ten tuialhthei leh gas a harsatna kan tawh loh nan thupek chhuah a tulin ka hria a, thupek zawm vek turin kan inhriattir a ni.

Chuvangin, kei DONNY LALRUATSANGA, MCS, District, Magistrate hian Bharatiya Nagarik Suraksha Sanhita, 2023 (BNSS), Section 163 in thuneihna min pek angin he khapna thupek hi ka chhuah e.

1. Food, Civil Supplies & Consumer Affairs Department, Govt. of Mizoram thuchhuah vide B.12013/4/2025 - FCS&CA of Dt. 30.03.2026 angin leh The Petroleum Act, 1934, Section 7 & 8 in a sawi angin Lawngtlai District chhungah Filling Station tin ten mipui nawlpui, license kher ngailo tan nikhatah Petrol litres 30 leh Diesel Litres 1000 (a burin) an pe chhuak tur a ni.

2. Rule 3 of The Petroleum Act, 2002 in a sawi angin phalna neilo/ storage License nei lova tuialhthei phurchhuah a khap a. Lawngtlai District chhungah phalna neilo ten mahni mamawh danin a sawi bak sumdawnna atan emaw hman tur atan an phurchhuak/ kawl khap tlat a ni. Tin, phalna nei lova ramdang Myanmar/Bangladesh a tuialhthei phurchhuah hi dan phalloh a ni a khap tlat a ni bawk.

3. Lawngtlai District chhungah a bik takin eirawngbawlna gas inremchen dam Food, Civil Supplies & Consumer Affairs Department, Govt. of Mizoram thuchhuah vide B.12013/4/2025 - FCS&CA of Dt . 30.03.2026 angin DCSO, Lawngtlai in hma ala bawk ang.

He thupek hian thla hnih(2) chhung a huam anga, a tul dan anga pawhsei / tih tawi theih a ni ang.

Vawiin Dt.01.04.2026 (Wednesday) ni hian District Magistrate Seal a nem nghetin ka hming ka ziah hnan e.

He thupek zawm lo te chu *Section 223, Bharatiya Nyaya Sanhita, 2023 (BNS) leh Section 23, The Petroleum Act, 1934 hmanga hrem a ni ang.

Sd/-
DONNY LALRUATSANGA
District Magistrate
Lawngtlai District, Lawngtlai