Vawiin khan Pi Esther Lalruatkimi, Secretary, Health & Family Welfare Department kaihhruaiin a pisaah Tuibur Factory bul hnai a cheng mipuite harsatna tawh hrang hrangte leh a sutkian dan tur ngaihtuahho a ni.

Tuibur hmuam in mihring hriselna a khawihchhiat mai bakah a thlawrna hmun Factory-ten tui leh boruakah mihring hriselna atana hlauhawm thei a siam chu buaipui tham a tlin thu meeting-ah chuan sawi a ni. Tuibur hmuam ve miah lo sikul naupangte leh midang tam takin an tawrh phah bawk a. Heng harsatna te hi tikiam turin committee chuan chak tak a hmalak a rel. Mizoram Pollution Control Board-ah pawh Complaint tam tak a luh tawh thu leh, Tuibur Factory thenkhat insawn tur a hriattir ni tawh thu leh, insawnchhuak erawh an la awm loh thu tarlan a ni a.

Tuibur factory-te hi mihring khawsakna atanga hla thei ang berah sawn an nih theih dan tur meeting-ah hian ngaihtuah niin, mipuite thawhpuina a pawimawhzia pawh sawiho a ni.

Tuibur Factory hi hriat theih chinah Aizawl leh a chhehvelah hmun 13 awmin, heng hmun hrang hrang – ITI, World Bank Road thlang, Salem leh Republic inrina leh Theihai Lui Arm Vengah te an ni.