1048/2026-2027 

Dated Khawzawl, the 17th June, 2026 : Tuichang Bialtu MLA Pu W. Chhuanawma chuan MLA Fund hmangin Khawzawl District mipuite hman turin Dental Chair tha tak a lei a, he Dental Chair hi a PA, Pi Lalnunthari chuan Khawzawl District mipuite hman theih turin a hawng. Hawnna inkhawmah hian Pi Lalnunthari chuan thusawiin, Tuichang Bialtu MLA Pu W. Chhuanawma hian a bial mipuite hriselna a ngaipawimawh em avangin he Dental Chair hi a MLA Fund hmanga a lei thu a sawi.

Tuichang North Block President Pu Zodinsanga pawhin thusawiin, ‘Tuichang Bialtu MLA Pu W. Chhuanawma hi damlohnain tlakbuak hle mahse, Khawzawl Damdawiin hi a ngaipawimawh em em a, Dental chair a lei mai piah lamah hian Damdawiin kawt zawl hi Alkatra hmanga siam turin PWD lamah a nawr nghal a, damdawiin Canteen leh damdawi zawrhna pawh a building sak thuai a nih theih nan hmalak mek a ni’ a ti a. Khawzawl damdawiin wiring leh earth line hman theih mumal a nih loh avangin bialtu MLA hmalaknain hman theih turin siam that vek a ni bawk a. Khawzawl damdawiin Staff-te nen an thawhhona a tha a, an chungah lawmthu a sawi bawk a ni.