Vawiin khan Lawngtlai BDO BNRGSK Hall-ah Lawngtlai West Assembly Constituency leh Tuichawng Assembly Constituency huam chhunga Booth Level Officer ten kumin inthlanpui kan hmachhawn tura Booth Level Officer hna thawh tur hrang hrang te an training.

Kumin November thlaa Mizoram MLA thlanna lo awm tur atana inbuatsaihna kal zelah vawiin chawhma hian Tuichawng Assembly Constituency-a Booth Level Officer ten an thawh turte chiang zawka an hriat theihnan training an nei a, chawhnu lamah Lawngtlai West Assembly Constituency a Booth Level Officer ten training hi an nei ve leh bawk.

Vawiina training te hian Polling Station chinchang Election Commission in a hriat duh apiang fel taka hrilh dante, harsatna awm lova Polling Station tina vote thlak a nih theih nana mamawh awm thei chungchang te, District Level Systematic Voters Education and Electoral Participation Committee (SVEEP) in a lo rel tawh anga Special Registration Camp, khaw thlan chhuah 27 a neih dan turte, vote tlak tlemna thin Polling Station huam chhunga vote thlak tura inzirtirna kalpui dan tur te an zir ho a ni.

Training ah hian Pu V. L Remliana, MCS, Election Oficer Lawngtlai, Pu. L. Rinliana, MCS, SDO Chawngte Division leh Pu Lalremruata Kullai, MCS, BDO Bungtlang South ten zirtirna an pe a, Assembly Bial pahnih a BLO te an kal tha hle a ni.