2208/2026-2027

Tuipui South khuaa Chhimtuipui luia Jeepable Suspension Bridge hi lirthei ton li (4) (Motor-rihzawng telin) aia rit phur chunga tlân phal loh a ni a. Amaherawhchu, zan dar 10 hnu lamah hian phal chin aia tam rit phurin lirthei ten an zawh thin tih hriat a ni a. Lei (bridge) hi kum 10 chuang hman tawh niin, uluk a ngai hle mai a. Lei hi tha taka hman a nih a, Tuipui râl khua ten harsatna an tawh loh nan khapna thupek chhuah tulin hriat a ni a.

Chuvangin, Pi K. Vanlalruati, Deputy Commissioner & Chairman, District Disaster Management Authority, Hnahthial District chuan Disaster Management Act, 2005, Section 34 (b)-in thuneihna pek a nih angin hetiang hian thupek chhuah a ni:

1. Tuipui South khua Chhimtuipui luia Jeepable Suspension Bridge hmanga motor kalna chu zan dar 10:00 PM atanga zing dar 5:00 AM inkarah lirthei eng chi mahin zawh phal a ni lo.

2. A chunga khapna hian emergency leh medical vehicle-te a huam lo ang.

3. PWD, Hnahthial Division chuan Police Department leh a khaw chhung thuneitute nen tangkawpin, khap hun chhung hian bridge-ah barricade siam leh enkawl dan tur ruahmanna leh a tul dangte a siam tur a ni.

4. He thupek hi tih danglam a nih loh chuan thla hnih (2) chhung a huam ang.

5. He thupek zawm lo te chu Disaster Management Act, 2005, Section 51(b)-in thuneihna a pek angin pawisa chawitir leh lungin tân thlenga hrem theih an ni ang.

Hnahthial Bawrhsap thuchhuah.pdf