No.1921/2021-2022

Aizawl 18th August 2021: Aizawl khawpui chhungah COVID-19 positive hmuhchhuah a pung zel a. Veng thenkhatah chuan COVID-19 punna hi a tam zualin, heng vengte dinhmun hi zirchian a nih hnuah COVID-19 hrileng darh zel tur venna atan Containment Zone/Area-a puan a ngai tih hmuh a ni a.

Chief Medical Officer, Aizawl East in zirchianna leh a tul anga hma a lak hnuin, Tuirial Airfield Veng hmun thenkhat chu Containment Zone/Area-a puan rawtna a rawn thlen a.

Chuvangin, Section-34(b)(c) of the Disaster Management Act, 2005 behchhanin Tuirial Airfield Veng hmun thenkhat chu ni 18.08.2021 (Nilaini) Zan dar 8:00 atangin Containment Zone/Area-ah puan a ni.

Heng area chhungah hian Deputy Commissioner-in phalna a pekte, Medical duty, Security duty, helai hmuna duty pawimawh nei tura ruatte lehSOP for Containment Zone/Area vide Order No.C.16011/298/2020-DC(A)/ Lockdown dt. 30.06.2021 in phalna a pekte bak mi tumah an lutin an chhuak tur a ni lova, veng leh veng inkalpawhna kawng (main road) erawh chu ding lova tlan tlang phal a ni ang. Containment Zone-a hman tura  inkaihhruaina  (SOP) siam chu mitinin zawm vek tur a ni.

TUIRIAL AIRFIELD Containment Zone/Area puanna:

Tuirial Road ah Pu Lamminlala in atanga Pu Tlangrosiama in thleng.

Thlanmual peng atanga BSF camp, Main Gate kawngchhak leh thlanglam zawng.

Sub- Centre bul Pu Vungsangliana in atanga Pu Ruatchhunga in thleng, hemi bakah hian Sub- Centre mual zawng a huam tel bawk ang.

Buffer Area – Tuirial Airfield Zero point.

(Containment Zone huamchhung a chhungkaw awm tur zat: 54)
 

Heng Containment Zone/Area chhunga khawsa, harsatna neite tan a hnuaia mite hi biak pawh theih an ni ang.