Vawiin khan Venglai YMA Hall, Kawnpui-ah Tuirial Constituency huamchhunga NLUP 3rd & 4th Phase  benficiaries 243 hnenah Agriculture Department, Horticulture  Department leh Commerce & Industries Department, Kolasib District chuan NLUP an sem a, Tuirial Bialtu MLA Pu Hmingdailova Khiangte, Parliamentary Secretary chuan tanpuina hi a hlan a ni.

Pu Hmingdailova Khiangte chuan NLUP a dawng tur ten an dawn kim hma chu sem chhunzawm zel tum anih thu sawiin, mahni trade thlan kalpui mek tihpuitlin sakna tura tanpui hi sorkar duhdan a nih thu a sawi.

Vawiin a NLUP tanpuina sem te hi: Agriculture Department hnuaiah 3rd & 4th Phase a Oil Palm trade,WRC-I leh WRC-II thlangtu mi 129 tan tuikhawlna siamna tur leh thlam sakna tur mi pakhat hnenah Rs.28,000/- theuha sem a ni a. Horticulture Department hnuaia 3rd & 4th Phase a Kuhva leh Serthlum chin thlangtu mi 18 hnenah Geomembrane (Tuikhuahna sahar) pakhat zel pek a ni a. Commerce & Industries Department hnuaia sem hi 3rd Phase (Final Installment) niin, trade hrang hrang a beneficiaries 96 hnenah Rs.27,41,310/- sem a ni a. 

NLUP sem inkhawm hi Pu Lalbiakzuala Aineh, SDIO, DIC Kolasib in kaihruaiin, Pu Lalthlamuana, DHO leh Agriculture Officer ten an telpui bawk.