Central sorkar dawra New Delhi-a cham mek Chief Minister Pu Lal Thanhawla chuan Inrin ni kalta khan Union Power Minister Pu Sushil Kumar Shinde hmuin Central sorkar hnuaia Mizoram power project hrang hrang dinhmun a sawipui a. Tuirial H.E project (60MW) chu hna thawh dan kalphung duan fel a nih hnuah chhunzawm leh a nih tur thu Pu Shinde chuan Chief Minister hi a hrilh a ni.
Pu Hawla chuan Kolodyne H.E project Phase II (460 MW) thawhna tura National Thermal Power Corporation (NTPC) leh Mizoram sorkarin inremna thuthlung an neih chungchang te, thingtlang in tina eng pek chhuahna tur, Rajiv Gandhi Grameen Vityutikaran Yojana (RGGVY) tun hnaia bul tan tak te leh Access Power Development & Reforms Programme (APD&RP) dinhmun te pawh Power Minister hnenah hian a sawi a. RGGVY hnuaia Rural Electricity Distribution Backbone (REDB) project, vaibelchhe 297.24 chu he programme hlawhtlinna tur hian central sorkar-in a ngaihtuah thuai a tul thu pawh a sawi a. REDB project hi P&E department chuan REC Ltd. hnenah a theh luh tawh thu leh central sorkar phalna nghah mek a nih thu pawh Pu Hawl chuan a sawi a. Power Minister tawiawmtu official te chuan he thil hi REC ten an endik phawt hnuah a tul anga hma lak a ni ang an ti a ni.
APD&RP chu kumin March thla hian tihtawp a lo nih dawn tak avangin he project thawh zawhna tura sum la tangkhang vaibelchhe 19.82 chu he programme tawp hma ngeia project thawh zawh nan central sorkarin rawn pe chhuak thuai se tiin Pu Hawla chuan Minister hnenah hian a thlen bawk a. Hei pawh hi a tul anga lo enzui a nih tur thu Ministry of Power hotute chuan an sawi.
Hemi ni vek hian Pu Hawla chuan Home Secretary Pu Madhukar Gupta hmuin Police modernization scheme leh ramri hung chungchang bakah BSF leh CRPF ten ram an mamawh chungchang a sawipui nghal bawk a ni.
Power Minister a hmuhna ah Chief Minister hi UD&PA minister Pu Zodintluanga leh Parliamentary Secretary (Power) Pu La Thanzara te bakah Er. C.L Thangliana Engineer-in-Chief, P&E ten an tawiawm a ni.
APD&RP chu kumin March thla hian tihtawp a lo nih dawn tak avangin he project thawh zawhna tura sum la tangkhang vaibelchhe 19.82 chu he programme tawp hma ngeia project thawh zawh nan central sorkarin rawn pe chhuak thuai se tiin Pu Hawla chuan Minister hnenah hian a thlen bawk a. Hei pawh hi a tul anga lo enzui a nih tur thu Ministry of Power hotute chuan an sawi.
Hemi ni vek hian Pu Hawla chuan Home Secretary Pu Madhukar Gupta hmuin Police modernization scheme leh ramri hung chungchang bakah BSF leh CRPF ten ram an mamawh chungchang a sawipui nghal bawk a ni.
Power Minister a hmuhna ah Chief Minister hi UD&PA minister Pu Zodintluanga leh Parliamentary Secretary (Power) Pu La Thanzara te bakah Er. C.L Thangliana Engineer-in-Chief, P&E ten an tawiawm a ni.
