No.891/2021-2022
CZ Revoke Tuivamit.pdf
Aizawl 10th June 2021: Nimin (9.6.2021) khan Aizawl DC chuan Tuivamit area hmun thenkhat chu Containment Zone/Area-ah puan tawh chu hlih a nih thu a chhuah a. Hemi chungchanga DC thuchhuah chu a hnuai a mi ang hi a ni e.

The Mizoram Epidemic Diseases (CoVID-19) Regulations, 2020 Para 11(1)(b) behchhan leh he office lehkha No. C.16011/298/2020- DC(A)/Lockdown Dt. 06/05/2021 hmangin Tuivamit area hmun thenkhat chu Containment Area-ah puan a lo ni tawh a.

Chief Medical Officer, Aizawl West in a hnuaia hmun tarlan huam chhung ami te hi tun dinhmunah mi tumah COVID-19 avanga dinhmun hlauhthawnawm ah an awm tawh loh avangin Containment Zone/Area hi hlih rawtna a rawn thlen a. He rawtna ang hian Containment Zone/Area-a lo puan tawhna chu 9.6.2021 (Nilaini) Tlai dar 7:00 PM atangin hlih nghal a ni.

Amaherawhchu, Ni 8.5.2021-a Hriattirna tihchhuah lehkha No.C.16011/298/2020-DC(A)/Lockdown a Central Jail Veng - Tuivamit huamchhung a Containment Zone in a la huam tura tihte erawh chu Containment Zone/Area a puan chhunzawm zel a la ni.

Covid 19 laka kan himna tur a sorkar kaihhruaina (SOP) siamte vengchhung mipui ten zawm tha chhunzawm zel tur a hriattir an ni e.