Vawiin khan Tv. Zohmingliana, MJA Member, Cable Operator, RVS Networks, Mamit ralna hun I&PR Conference Hall, Mamit-ah buatsaih a ni a. He hun hi Pu Jim K. Chozah, Director I&PR in a hmanpui.

Ralna hun I&PR Conference Hall, Mamit a buatsaih Pu C. Lalnunkima, IPRO, Mamit kaihhruaiah thu sawiin Pu Jim K Chozah, Director chuan thihna te hi kan thu a ni lo va, kan chunga roreltu Pathian thu anih avangin mihringte’n kan sawisel thei lo a ni tiin kan damchhung nunte kan fimkhur a ngai a ni a ti a. Khawtlang leh ram tana kan thawhna reng rengah taimakna leh dikna nena Pathian duhzawnga kan nun theuh a hun tawh a ni tiin Zohmingliana pawh ram leh khawtlang tana a thawhna-ah rinawm taka thawk thin a nih avangin chawimawi a phu hle a ni a ti a. Tunlai khawvela Media te pawimawhna leh an mawhphurhna te sawiin, dik taka thawktute tan hlauh tur a awm loh thu sawiin Media lama thawktute pawh Sorkar leh mipuite tana a tangkai thei ang bera thawk turin a chah a ni. A thil lo tih tawh te pawh kan theihnghilh dawn lo a ni a ti a, Tuna Media lama a thawhpuite pawh hian a hniakhnung rawn zawha rinawm tak leh taima taka thawk turin a chah a ni. Zohmingliana chhungte pawh thlamuanin an harsatna hrang hrangah tanpui a in huam thu a sawi bawk.

Pu Jim K.Chozah Director I&PR hian ralna (Ex-gratia) Rs 60000/- (singruk) Tv. Zohmingliana nu Pi Lalrothuami hnenah a hlan a ni.

He hunah hian Pu Robert Lalchhuana, Prominent Journalist, Aizawl leh Pu Lalhlupuia, MJA Mamit ten thu an sawi bawk a ni.

He ralna Programme-ah hian Mamit a MJA Members te, khawtlang hruaitute  leh Zohmingliana chhungte mi engemaw zat an tel a ni.