Vawiin khan Urban Development & Poverty Allevation Minister Pu Zodintluanga hovin a Pisa-ah Urban Development & Poverty Allevation Department Consultative Committee an thukhawm a.  Consultative Committee ah hian Pu R.L. Pianmawia, MLA Lt. Col. Z S Zuala, MLA, Pu K.Lalrinthanga, MLA leh Pu John Siamkunga MLA te an tel a ni.

Consultative Committee chuan The Mizoram Municipalities (Ward Committee and Local Council) Rules, 2010 sub-rule 16-na in Local Council member zat a tarlan siamthat rawtna chu ngun tak leh zau taka ngaihtuah leh  sawiho hnu ah, tuna kal dan pangngai a kal zel phawt nise tiin an rel. The Mizoram Municipalities (Procedure and Conduct of Business) Rules, 2007 in meeting notice form I, II, III leh IV a  Chairman sign tura tih, CEO/Secretary a thlak nise tih rawtna chu tha tiin, Committee chuan a pawmpui bawk a ni.  

Consultative Committee ah hian Parliamentary Affairs Department leh UD &PA Department aiawh bakah AMC CEO te an tel a ni.