UD & PA Minister Pu Zodintluanga hovin vawiin khan a Office ah UD & PA chungchanga Review Meeting pawimawh tak neih a ni a. Pu P Lalchhuanga, Secretary, UD &PA bakah he Department a Officer leh member te an kal tha hle.

UD&PA Department hmalakna leh a Mission hi a zau in a huam thui hle a, tih zawh tawh leh hlawhtlinna a tam tawh lai in hma lakna tur a la tam hle tih Pu Zodintluanga chuan sawiin sum awmsa awmlo leh harsa tak chunga thawktute thahnemngaihna atanga DUDO lo pian chhuah chhoh dan a sawi a, tunah phei chuan District tinah DUDO Office hi din vek a nih anih dan leh hnathawhna tur In sak a nih mek dan te a sawi a. Vawiin meeting pawimawh takah pawh hian UD&PA Department in hmalakna leh hmachhawp tam tak a lo neih tawh te report ngaithla in a hmatiam zel a chetlak zui dan tur te sawiho tur an nih avangin member te chu rilru inhawng tak leh ngaihtuahna hmang tur in a sawm a ni.

Vawiina Review Meeting ah hian UD & PA Department hmalakna hrang hrang thlir a sawi ho zui nghal a ni a, chung zingah chuan NEDP hnuaia Aizawl khawpui chhung kawngpui in fin na – Junctions te siam rem leh siam rual chungchang a hmasawnna te, Department hnuaia insak leh project hrang hrang sak mek te bakah Swatchh Bharat Mission (Urban) hmalakna, AMRUT, NULM, Smart Cities Mission, PMAY –HFA ( Urban) leh a dangte sawiho a ni.