4100/2025-2026

Dated Aizawl, the 22nd January, 2026: Vawiin khan UD&PA Minister Pu K. Sapdanga chuan a Department chan Urban Development & Poverty Alleviation Department hnathawh dan hrang hrang thlirletna hun, One Day Review Meeting a neihpui.

Minister Pu K. Sapdanga chuan thawktute thawhrimna avanga a lawm thu a sawi a, mipui tana taima taka thawk zel turin a fuih a. Duh ang leh beisei anga hna thawh that tawk lohte pawh uluk zawka vil chhunzawm zel turin thawktute a chah bawk a ni.

He Review Meeting-ah hian UD&PA Department enkawl office hrang hrang - Directorate of UD&PA, Aizawl Smart City Limited (ASCL), Aizawl Municipal Corporation (AMC) leh Lunglei Municipal Council (LMC)-a hnathawh dan leh hnathawh kal mek awmte enho a ni a. Hnathawh mek leh hmabak thawh dan tur te, hnathawh mek laia harsatna awm leh a tha lai awm te thlirho a ni.

Meeting-ah hian district hrang hranga Deputy Commissioner leh District Urban Development Officer-te Video Conferencing kaltlangin an tel ve a, rawtna hrang hrang an neihte Department hmasawnna atan tha taka dawnsawnsak an ni.

He meeting-ah hian Pu Lalmalsawma Pachuau, Secretary, UD&PA bakah Department chhunga officials pawimawh te kokim takin an tel a ni.