2639/2026-2027

Aizawl the 13th October, 2026: Nimin khan UD&PA Auditorium, Directorate of UD&PA, MINECO-ah Minister Pu K.Sapdanga hovin UD&PA Department hnuaia hnathawh hrang hrang te enho leh sawihona hun, review meeting neih a ni.

He hunah hian UD&PA hnuaia project leh scheme te thlirho a ni a.  Department hnuaia office hrang hrang - Directorate, Town & Country Planning, Mizoram Urban Development Agency Limited (MUDAL), Aizawl Municipal Corporation (AMC) leh Lunglei Municipal Council (LMC) hotute hnen atangin an enkawl theuh project leh Scheme chungchang presentation-te ngaihthlak niin, a duh apiang tan zawhna te zawt a, sawiho a ni bawk.  Harsatna eng emaw avanga project kal tluang tawk lo te chak zawka kal pui chhunzawm dan tur te sawi ho a ni. 

Review Meeting hi UD&PA Commissioner & Secretary Pu V. Lalsangliana’n a kaihruai a.  Meeting khar nan UD&PA Minister Pu K.Sapdanga chuan thu sawiin, Department hotute chu an mawhphurhna theuh tha taka keng kawh chhunzawm zel turin a fuih a.  Thawktu awm zat ngaihtuah a hna ngah ber te zinga mi Department kan nih avangin department dang te ai pawhin kan thawhrim a ngai a, kan working hour te pawh mi dang aia a tam a ngai a ni a ti.  Tin, Department dang te nen thawhhona tha tak neih a pawimawh thu a sawiin,  Department chhunga thawktute pawh thawhona tha leh inlungrualna tha tak nena hna thawh a pawimawh thu a sawi bawk. 

Department hnuaia hna te tha taka thawh a nih theih nan hnathawh te vil tha a, contractor-te pawh uluk taka vil chhunzawm zel turin officer te a fuih a. Khawpui hmasawnna atana Department-in hna chi hrang hrang a thawh mekah thahnemngai tak leh theihtawp chhuah zel turin duhsakna a hlan bawk a ni.