State Investment Programme Management and Implementation Unit (SIPMIU, UD&PAD) hnuaia sub-project Solid Waste Resource Management Centre, Tuirial a sak mek leh Sewage and Sanitation sub-project hnuaia Sewerage Treatment Plant, Chite a sak mek te chu UD&PA Department Senior Management Group (SMG) ten a hmunah tlawhin hnathawh kalmek an enfiah.

North-Eastern regional Capital Cities Development Implementation Programme hnuaia Aizawl khawpui tih hmasawnna tur a SIPMIU hnathawh chi hrang hrang zinga pakhat Tuirial Dumping Ground (Bawlhhlawh paihna) bula Solid Waste Resource Management Centre sak mek chu SMG hian tlawh hmasa in hemi hmuna bawlhhlawh tawih thei leh tawih theilo sawngbawlna hmun tur leh New Sanitary Landfill siam mek hmasawnna te an en ho a, he centre hi kum 2019 ral hma a sak zawh fel tum niin zawh fel anih hunah tunah Tuirial Dumping Ground hman lai mek  hi khar niin Solid Waste Management Centre ah hian tunlai thiamna kimchang hmangin bawlhhlawh paihkhawm te scientific treatment pe a sawngbawl ani tawh dawn a ni, bawlhhlawh tawihral thei te chu leitha a chan tir (Mechanical/Vermi-Composting) a ni ang a; bawlhhlawh tawihral theilo te chu thliar hran hnu ah sum a chang thei tur a ruahman anih avangin bawlhhlawh hal khu a awm tawh lo tura ngaih a ni.

Senior Management Group (SMG) Chairman, UD&PA Department Secretary ni bawk Dr. C. Vanlalramsanga chuan Solid Waste Resource Management Centre kan nei tur chu thil lawmawm tak a ni a ti a, Sawrkar Laipui leh Supreme Court (National Green Tribunal) hian India ram State tin ten Minicipal Waste scientific treatment a kaklpui vek turin nasa takin a nawr a, India ram khawpui zingah Scientific treatment centre puitling a la awm mang loh lai a a nei hmasa pawla kan tang thei tur hi lawmawm tak ani a ti a, Sawrkar Laipuiin India ram a State zawng zawng te Solid Waste Management Policy changtlung tak nei vek turin a ti a, Mizoram chuan kum 2011 khan “The Mizoram Urban Sanitation & Solid Waste Management Policy, 2011” kan lo nei fel vek tawh a,l Ministry of Housing and Urban Development thuchhuah a a land an chuan tunah hian India ramah hetiang Policy nei hi State/UT paruk chiah an la awm ani  a ti a, Policy mai nilo Action Plan mumal tak Mizoramin kum 2016 atangin a nei tawh bawk a, heng Action Plan zinga tel pawimawh tak pakhat chu Solid Waste Resource Management Centre hi a ni tiin Kolasib ah hetiang Centre hi siam mek anih bakah Lunglei ah NLCPR atang siam leh turin sanction hmuh fel anih tawh thu a sawi bawk.

Tuiriala Solid Waste Resource Management Centre an tlawh hnu hian Senior Management Group hian Chite a Sewerage Treatment Plant (STP) sak mek an en leh a, he STP hi Aizawl chhuah lam veng 19 te ekthli leh choka tui luan khawmna leh sawngbawlna hmun tur atana siam a ni. Chite luiah hian ekthli leh choka tui bal te sawngbawl that (treatment pek) loh in a luang lut reng a, Chite lui pawh a tibawlhhlawh nasat em em thin avangin heng thli te hi a luankhawm atui fai taka luan chhuah tir leh tur a treatment pek hi he Sewerage Treatment Plant hmang hian tum a ni a, Chite lui humhalh a chhanchhuahna atan pawh he Plant hian malsawmna ropui tak a thlen ngei beisei a ni.

Vawiin a Senior Management Group (SMG) ten SIPMIU hnathawh an tlawh kual hi a thawhkhatna niin, tun thla ni 25 (Ningani) hian a thawhhnihna neih leh tum a ni. SIPMIU hian Aizawl khawpui tan water supply, sanitation and sewerage leh solid waste management hna chi hrang hrang a thawk mek a ni.

Vawiin a Senior Management Group (SMG) chet velnaah hian Dr. C. Vanlalramsanga, Secretary UD&PA leh Senior Management Group Chairman ni bawk bakah Pu Joseph Lalramsanga, Director UD&PAD, Pu Vanlalmawia, Joint Secretary, Dr. H. Lalthlangliana,  Municipal Commissioner, AMC, Er. Valbuanga, Programme Director, SIPMIU, Pu Lalmuansanga, Under Secretary UD&PAD, Pu R.L.Zidinga, Sr. Sanitation Officer te bakah UD&PA Officer pawimawh te an tel a ni.