2432/2025-2026

Siaha 27th November 2025: Ui leh Ar khuahkhirh chungchangah Siaha District Magistrate -chuan a hnuaia mi ang hian thuchhuah a siam.

ORDER

Tunlai Siaha Town chhungah Ui leh Ar khuahkhirh loh a tam hle a, mipui nunphung a ti khaihlakin, harsatna nasa tak a siam a, Siaha khawpui a lo thianghlim zawka mipui kan lo him zawk nan leh kan lo hrisel zawk nan ran vulh chungchangah thupek chhuah ngei a tulin ka hria a.

Chuvangin, kei VL HRUAIZELA KHIANGTE, DISTRICT MAGISTRATE, SIAHA DISTRICT, hian section 163 of Bharatiya Nagarik Suraksha Sanhita 2023  in thuneihna min pek angin hetiang hian thupek ka chhuah e. 

1. Ui leh Ar nei zawng zawng ten an ran vulhte an khuahkhirh tur a ni a, khawlai ah an chhuah tur a ni lo.

2. Mi tumahin khawlai ah Ui an chhuah tur a ni lo. An chhuah anih pawhin a neitute'n Chain-a thlungin an kai tur a ni.

3. Ar (Zo-ar) vulhte'n an ar vulh khawlaiah chhuah phal a nilo, a in/bawmah an khung vek tur a ni.

4. Mi tumahin an ran vulh lai khawlai leh ramhnuai a tla chi: Sial,Bawng, kel leh a dangte a mei vuan lovin (enkawltu awm lovin) khawlai leh ramhnuai ah an tlat tir tur a ni lo.

Khawlai a an chhuah a mi kut an tuar anih pawhin engah mah an sawi buai thei lovang.

He thupek zawm lo te chu Section 223 of Bharatiya Nyaya Sanhita 2020, dan hmanga hrem an ni ang.

He thupek hian thu leh a awm hma chu puanchhuah anih atanga thla hnih chhung a huam ang.

He khapna thupek hi vawiin 26th November, 2025 ni hian District Magistrate Seal a nemnghetin hming ka ziah hnan e.

Sd/-

VL HRUAIZELA KHIANGTE

District Magistrate,

Siaha District, Siaha