Vawiin khan Padma Shri Nuchhungi Renthlei chung chang zir bingna, Pachhunga University College buatsaih National Seminar on Understanding the Children's Literature of Nuchhungi Renthlei : Approaches and System chu vawiin khan Sikulpui Serkawn, Lungleiah neih a ni.

He hun hi Pi Enid H. Lalrammuani Head of Dept., Dept. of Mizo PUC in a kaihruai a, khuallian Rev.Dr.CL. Hminga chuan Pi Nuchhungi Chanchin leh Zo sap ten an kaihhruai dan sawiin a hnutchhiah thil hlu tamtak, thu leh hla a a sulhnu chhui chiang a, ngaihlutu mithiam an lo chhuak zel chu thangtharte tan thil hlu tak a ni tiin thu leh hla a Mizo thang tharte kaiharhtu ni zel tura a duh thu a sawi a ni. Sawi hawnna neitu Prof. Laltluangliana Khiangte pawhin Zirna kawnga Mizo Dept thanglian zel chuan hranghlui mithiamte a chawi sangin a vawrh darh zual zel dawn a ni a ti a, mithiam lehzual lo chhuak ten an chanchin chu kawng hrang hrangin an la zik zui zel dawn a ni a ti bawk.

Dr. Tawnenga, Principal PUC  leh Pi Nuchhungi fapa Pu R. Biaksanga te pawhin thu an sawi bawk. Chawhnu lamah Pi Nuchhungi chanchin zirbikna hunpui neih zui a ni a, University hrang hrang atangin mithiam 12 ten Pi Nuchhungi nihphungte, thu leh hlaa Mizote hmelhmang a tih danglam dan leh thu leh hlaa naupangte nen an inzawm dan bakah a hnathawh hrang hrang thlir hona te neih a ni. Pi Nuchhungi kutchhuak hla thenkhat, Nuchhungi Fans Club, Serkawnin Music video an siam leh Mizo Cultural Studies and Performing Arts, Dept. Of Mizo, PUC in Animation Video an siam te tlangzarhna neih a ni a,Seminar chhung hian Pi Nuchhungi Renthlei kut chhuak leh thil thenkhat te phochhuah (Exhibition) buatsaih a ni bawk.