Union Agriculture Minister Sharad Pawar chu vawiin chawhma khan Lengpui Airport lo thlengin, Chief Minister Pu Lal Thanhawla chuan Airportah hian alo hmuak a. Union Minister lo zin chhan ber, Mizote lo neih dan a hmuna rawn en chu Lengpui khawdaia lo neihna hmun ( jhum cultivation area) a tlawh nghal.

Agriculture Departmenta official te chuan tlangram lo neih dan chu Union Minister hi hrilhfiahin buh leh thlai chin hunbi te an hrillh a. Kum lehah hmun danga lo neihna hmun sawn zel thin kan ni tih an hrilh chu mak ti hmel taka ngaithlain, Chief Minister Pu Lal Thanhawla chuan lonei mi ten eizawnna nghet an neih theihna turin hetiang lo neih dan thlak nan hian NLUP chu kalpui anih thu Pu Sharad Pawar hi a hrilh a ni.

Union Minister Pu Sharad Pawar hi a private secretary Prashant Lokhande IAS bakah Rudra Gangadharan, Secretary, Govt Of India(GOI), AH& Vety leh A.S.Nanda, Addl Secretary, GOI, A.H.&Vety ten an rawn tawiawm a. Nimin lama lo thleng Dr.Gorak Singh, Commissioner, Horticulture,GOI leh Subhash Garh, Jt Secretary,Ministry of Agriculture,GOI ten an lo hmuak bawk a ni.

Chief Minister hi Pu H.Liansailova,Minister for Agriculture, Pu NK Chakma, Minister of State for AH& Vety, Pu K.S.Thanga, Parliamentary Secretary leh Pu Vanhela, Chief Secreatry ten an lo tawiawm bawk a ni.