Sawrkar laipui ruahman angin Mizoram mi leh sa Bru tuna Tripura state a ral tlan mek te chu tunlai hian Mizoram ah hruai kir mek an ni a. He hmalakna a hmun ngeia lo en thlithlai turin Union Home Minister Pu P. Chidambaram chuan Mizoram rawn tlawh a tum a.
Union Minister lo zin tur chungchang ngaihtuah turin vawiin khan Home Commissioner Pu Lalmalsawma,IAS hovin Chief Secretary Conference Hall-ah meeting neih a ni a, thil tul leh a kaihhnawih chi hrang hrang chipchhiar takin an thlir ho a ni. He meeting ah hian Pu Lalrokhuma Pachuau, IPS, DGP, Brig S K Verma, DIG, 23 Sector Assam Rifles bakah GAD, Home Department, Information & Public Relations Department, Medical, Deputy Commissioner, Civil Aviation, Police hotute leh Protocol atangin an tel.
