558/2026-2027 

Dated Khawzawl, the 15th May, 2026: Vawiin chawhnu khan Union Minister of State for Consumer Affairs, Food and Public Distribution Pi Nimuben Jayantibhai Bambhaniya hovin DC Conference Hall-ah sawrkar hmalakna hrang hrangte thlirletna leh sawihona meeting neih a ni. He meeting-ah hian Khawzawl DC Pu K. Vanlalthiana leh department hrang hrang hotute an tel a ni.

Minister chuan Mizoram chu ram mawi tak a nih thu leh mipuite pawh an felin boruak pawh a thianghlim thu a sawi a. Prime Minister Pu Narendra Modi-a kaihhruaina hnuaiah sawrkar laipui chuan hmasawnna leh hamthatnate hi India rama khaw tin, chhungkaw tin leh mitinte hnenah thleng se a duh thu a sawi a. Sawrkar laipui chuan India ram hmarchhak (North-east) state-te a ngaihpawimawh thu leh hmasawnna ruhrel din kawngah leh mipuiten hamthatna an dawn theih nan chak takin hma lak zel a tum thu a sawi bawk a.  Pi Nimuben Jayantibhai Bambhaniya sawrkar scheme hnuaiah lo neitu tamzawkin hmathatna an dawn theih nan hmalak ni se a ti a, hemi atan hian awareness neih a pawimawh thu leh ram hmasawnna turin thalaite an pawimawh thu a sawi bawk. 

Khawzawl DC Pu K. Vanlalthiana chuan Union Minister of State-in Khawzawl a lo tlawh avanga lawmthu sawiin, DC Bangla-a cultural programme leh chawhlui buatsaihah kalkhawmte tel vek turin a sawm a. SDO Pu Chandrakant Bagoria hnen atangin Khawzawl district chhunga sawrkar department hrang hranga hmalaknate thlirho a ni a. Mizoram chu India ram state hrang hrang zinga mi chengte hlim berna state (happiest state) a nih thu leh ziak leh chhiar thiam za a za awmna state a nih thu te a tarlang.