562/2026-2027

Dated Khawzawl, the 16th May, 2026 : Vawiin khan Union Minister of State for Consumer Affairs, Food And Public Distribution Pi Nimuben Jayantibhai Bambhaniya chuan Chawngtlai khuaa Handloom Training Centre leh PMAY-G hnuaia insakte tlawhin, SHG member-te nen VC House-ah inkawmna hun an hmang. Minister hi Khawzawl ADC Pu K. Zorammuana, SDO Pu Chandrakant Bagoria leh official dangten an tawiawm a ni.

Minister chuan Handloom Training Centre-a thawktute leh zirlaite nen inkawmin, an puan tah mawi tak takte chu zau zawka pholan theih ni se tha a tih thu a sawi a. PMAY-G hnuaia in sa zo tawh chhungkaw 2 tlawhin, sawrkar scheme hmang tangkaia in an din thei chu a lawmpui thu a sawi a. VC House-ah Chawngtlai SHG member-te nen inkawmna hun an hmannaah Minister chuan mipuiin SHG thil siam chhuah (product) reng reng tha tura an rin theih nan thianghlim tak leh quality tha taka thil siam zel turin a chah a. Sawrkar laipui chuan hmeichhia, thalai, lo neitute leh mi harsa zawkte chawikanna leh tihhmasawn a ngaihpawimawhzia tarlangin, sawrkarin hmeichhiate tana scheme hrang hrang a siamte Khawzawl nuho pawhin hmang tangkai turin a fuih a. SHG thil siam chhuahte pawh zau zawka thehdarh dan leh man tha zawka an hralh theihna turte ngaihtuah a pawimawh thu a sawi.