457/2025-2026

Khawzawl, dated 5th May 2025: Union Minister of State i/c MSME (Micro, Small & Medium Enterprises) leh Labour & Employment Pi Shobha Karandlaje chuan May ni 7 hian Khawzawl tlawh a tum a, chumi denchhen chuan vawiin chawhnu dar 3 khan DC Conference Hall-ah Khawzawl DC Pu K. Vanlalthiana hovin pisa hotute (head of office) an thukhawm.

He hunah hian member te chuan Union Minister of State Pi Sobha Karandlaje hova hun hman dan tur an rel a, a dawnsawn dan tur te, a kalna tur hmun te leh chanvo nei tur te an sawi ho a, an rel fel a ni. DC Pu K. Vanlalthiana chuan Minister zahawm takin Khawzawl district a tlawh tur hi a ropuiin lawmawm a tih hle thu a sawi a, hun nuam tak leh hlawkthlak tak a hman theih nan pisa hrang hrangte leh chanvo nei te theihtawp chhuah turin a chah a ni.