No.4164/2021-2022

Aizawl, the 3^rd March 2022: Vawiin chawhma khan ni 2 chama Mizoram rawn tlawh tu Pu Sarbananda Sonowal, Union Minister of Ports, Shipping and Waterways and AYUSH chuan Governor Hari Babu Kambhampati chu Raj Bhavan-ah a kawm.

Governor Hari Babu Kambhampati chuan Mizoram in a mamawh em  em ram chhung luidungte inkalpawh theihna atana siam leh Mizoram a ramhmul tam tak te tangkaina te hlawk zawka hman a ni theihna tur Central Sawrkarin a rawn ngaihven chu lawmawm a tih thu Pu Sarbananda Sonowal, Union Minister of Ports, Shipping and Waterways and AYUSH chu a lo hrilh a. Central Sawrkarin project pawimawh tak pahnih - Bairabi to Sairang Railways Project leh the Kaladan Multi-Modal Transit Transport Project (KMMTTP) bakah PM-DevINE hnuaia project a pek a vanga Mizoram mipui an lawm thu a sawi bawk a ni. Governor chuan Railway kawng leh KMMTTP a puitlin hunah chuan Mizoram hmel a danglam dawn a, state hmasawn nasa ber pawh a ni dawn a, hei hi kan nghakhlel tawh hle a ni a ti.

Sarbananda Sonowal, Union Minister of Ports, Shipping and Waterways and AYUSH chuan Chief Minister Pu Zoramthanga nen inkawmna tha tak an neih thu Governor hi a hrilh a. Inland Waterways leh AYUSH chungchang pawh state official te khun khan takin a sawipui thu leh tihtur tul te pawh a hrilh tawh tih a sawi a. Mau, Inland Waterways leh AYUSH chungchangah Mizoramin hmabak a nei tha hle nia a hriat thu te a sawi bawk a. Remchang hmasaberah rawn zin leh a, Mizoram chhung hmundang te tlawh a tum tih a sawi a ni.