2952/2022-2023

Aizawl, the 5^th December 2022: Zanin khan Raj Bhavan-ah Pu Prahlad Singh Patel, Union Minister of State for Jal Shakti & Food Processing Industries leh Governor Hari Babu Kambhampati te  an inkawm.

Governor Hari Babu Kambhampati chuan Union Minister chu Mizoramah lo lawmin a cham chhunga official program a neih te tha taka hmang turin duhsakna a hlan hmasa a. Hemi hnu hian Union Minister of State Pu Prahlad Singh Patel chuan a lo kal chhan te leh a hun hman dan tur te a sawi a. Governor nen hian Ministry of Jal Shakti leh Ministry of Food Processing Industries hnuaia hmalakna kal mek chung chang te an sawi dun a ni.

Pu Prahlad Singh Patel hian a rawn thlen hlimah Zoram Mega Food Park, Khamrang chu a tlawh nghal a. Hemi hnu hian Chanchinbumite nen inkawmna an nei nghal a. Naktuk(December 6) hian official program nei turin Lawngtlai a pan dawn a ni.