1603/2026-2027

Lawngtlai, 31st July 2026 : Unique Disability Identity Card (UDID Card) chungchangah a hnuaia mi ang hian Lawngtlai District Social Welfare Officer chuan thuchhuah a siam.

CIRCULAR

Unique Disability Identity Card (UDID Card) hi pianphunga rualbanlo te chuan sawrkar atanga hamthatna an dawng duh a nih chuan an neih ngei ngei a ngai tawh a. Lawngtlai District mipuite chuan UDID Card hi Lawngtlai District Hospital ah kalin a siamtir theih a ni. Tun hma a Social Welfare Department in Disable ID Card a lo pekchhuah thin kha hamthatna dawn nan a hman theih tawh loh.

Social Welfare Department hnuaiah hian rualbanlote tan scheme hrang hrang,NSAP hnuaia Disability Pension Scheme, Mizoram sawrkar hnuaia State Disability Pension Scheme, Educated Unemployment Allowances for Persons with Disability leh Handicapped Student Stipend ah te hian UDID Card neih vek a ngai tawh a. Tin, sorkar ah rualbanlo ten hamthatna hrang hrang kan dawng duh anih chuan UDID Card hi siam theuh turin kan in hriattir a ni e.

Sd/-
LS LALBIAKZUALI
District Social Welfare Officer
Lawngtlai District