No.7545/2020-2021
Chief Secretary Pu Lalnunmawia Chuaungo, Chairman, State Executive Committee, Mizoram State Disaster Management Authority ni bawk chuan a hnuaia tarlan ang hian thupek thar a chhuah:
Mizoram Sawrkarin Order No. B. 13021/101 /2020-DMR/Vol-III, dt. 16.01.2021 hmanga inkaihhruaina a siam chu a hnuaia tarlan ang hian clause thenkhat siam thaa tih danglam a ni:
a. Clause 1(A) (1), (2) & (3) te chu hetiang hian thlak a ni -
1. India ram hmun dang atanga Mizoram-a lo lut reng reng chu Mizoram an lo luhna (Point of entry)-ah uluk taka endik (screen) chhunzawm zel an ni ang. Entry point an lo thlen hma darkar 96 chhunga RT-PCR/TrueNAT/ CBNAT test (ICMR, recognized laboratory) hmanga COVID-19 test result negative neite chu Mizoram an lo luhnaah COVID-19 test tih a ngai tawh lo ang a, quarantine an ngai lovang.
2. RT-PCR/TrueNAT/CBNAT test (ICMR recognized laboratory) negative result certificate nei lote erawh chu Point of entry-ah Rapid Antigen Test (RAgT) tih a ni ang a, RAgT positive te chu enkawl dan tur dinglai (protocol) angin enkawl zui tur an ni ang. RAgT negative te erawh chu enkawl zui leh quarantine zui an ngai lovang. Hetiang hi Mizoram atanga zin chhuak, lo haw leh te endikna kalpui dan tur leh awmzui zel dan tur a ni bawk ang.
3. Mizorama rawn lut, RAgT negative result neih avanga quarantine ngai lote chuan fimkhur takin self-monitoring (mahni hriselna inchik)-in ni 7 tal an awm ngei ngei tur a ni.
b. Clause I(A)(4)-a 'Europe' tih chu India ram pawn atanga lo lut leh COVID-19 UK variant strain lenna ram' tia thlak a ni a. Health & Family Welfare Department inkaihhruaina siam angin quarantine ngei tur a ni a. Amaherawhchu, Mizoram an lo thlen hmain India ram chhungah ni 10 aia tlem lo an lo awm tawh a, RT-PCTR/TrueNAT/CBNAT test (ICMR recognized laboratory) negative certificate an rawn nei emaw, point of entry-a RAgT negative result an neih erawh chuan quarantine an ngai lovang. India ram chhunga ni 10 la cham tling lova Mizoram-a lo lut te chu heng test chi hrang hrangah hian negative result nei mahse, foreign atanga lo haw anga ngaih an ni ang a, quarantine tur an ni ang.
c. Clause 1(E)(1) hnuaiah hengte hi zeh belh a ni -
1(a) Ni 22.02.2021 (Thawhtanni) atangin Class IX leh Class XI zirlai ten school leh hostel an lut tan thei ang. School lut tur reng reng te chu thermal screening hmanga lo endik vek tur an ni ang a, hostel-a lut tur reng reng chuan RT-PCR/TrueNAT test/RAgT negative certificate hostel an luh hma darkar 96 aia rei lova lak an nei ngei tur a ni. School Education Department-in ruahmanna leh inkaihhruaina (SOP) a siamte uluk taka zawm tur a ni ang.
d. Clause 1(E)(2) chu hetiang hian thlak a ni -
College leh University, an hostel-te tiamin, February, 2021 atangin hawn phalsak an ni. Amaherawhchu, Higher & Technical Education Department-in College leh University te inpuahchahna leh ruahmannate a hmuna an endik hnuah an inpeih thu 'hriatpuina' a pe tur a ni. Tin, Higher & Technical Education Department-in inang tlanga hman tur inkaihhruaina (Standard Operating Procedure) a siam ang a, Health & Family Welfare Department leh Disaster Management Department te pawmpuina an la ang. SOP chu khauh taka zawm tur a ni ang.
e. Clause 1(E)(3) chu hetiang hian tih danglam a ni -
Training/skill training/coaching/vocational institutions te chu hawn phal a ni a. Amaherawhchu, room pakhatah room-a leng zat chanve (50% of seating capacity) aia tam tum khatah awm/thut phal a ni lo. Heng hmuna inkaihhruaina (Standard Operating Procedure) hman tur chu Higher & Technical Education Department-in a ruahman ang a ni ang.
