1052/2026-2027

Dated Aizawl, the 17 June 2026: Vawiin khan Commerce, Industries, Geology & Mining Department chuan  I&PR Conference Hall, Treasury Square, Aizawl-ah UNNATI 2024 Capacity Building Workshop a buatsaih a.  Pu Lalhmunsiama, Additional Director, Directorate of Commerce & Industries chuan Workshop hi a kaihruai a ni.

Workshop-ah hian DPIIT team leader Pu Rahul Saini, Section Officer hnen atangin UNNATI Scheme thil tum leh a kalphungte  ngaihthlak a ni a, Mizorama UNNATI kalpui dan chungchang report ngaihthlak a nih bakah, DPIIT Portal Team chuan UNNATI Portal hman dan leh application thehluh dan chungchang a taka entirna (live demonstration) an nei a. Hemi hnuah bank aiawh te, stakeholders te leh participants te atanga zawhna leh chhanna hun buatsaih nghal a ni.

Vawiin Workshop-ah hian Department for Promotion of Industry and Internal Trade (DPIIT), Ministry of Commerce & Industries, Government of India aiawh mi panga (5) an rawn tel thei a ni.