No.7960/2020-2021
Aizawl, the 30th March 2021: Vawiin chawhnu khan Pu Lalchhandama Ralte, Minister of State for LESDE,etc., leh Chairman, MSSSB chuan a office chamber, MINECO-ah Mizoram State Social Security Board(MSSSB) thutkhawm a ko a. He hunah hian kuthnathawka eizawng zinga sawrkar atanga hamthatna dawng thei lo anga ngaih, mahni inlum atanga eizawng, nitina inhlawhfa te, hnathawh tur mumal tak nei lem lo leh a tlachawpa hnathawka eizawng te bakah inhlawhfa thin - unorganized workers anga ngaih ten sawrkar atanga hamthatna an dawn theihna tura ruahmanna "Comprehensive Action Plan For Registration of Unorganized Workers", Directorate of LESDE in a buatsaih chu sawiho a nih hnuah pawm a ni.

Vawiina MSSSB thukhawm chuan Comprehensive Action Plan For Registration of Unorganized Workers, hemi puala Rs 168 Lakh Budget Estimate siam te leh District tina Welfare Facilitation Centre din te pawh a pawm nghal bakah District Unorganised Workers Social Security Board district tina din te a rel tel bawk a ni.

Ministry of Labour and Employment chuan Supreme Court -order angin, unorganized workers data base mumal zawk neih anih theih nan "Comprehensive National Database for the Unorganized Workers (NDUW)" a buatsaih mek a, hei hi Ministries/Departments hrang hrangin social security/welfare schemes an neih/kalpui te chu unorganized Workers ten an lo hman tangkai zawk theih nan ruahman a ni. Code on Social Security 2020 section 113 ah chuan, unorganized workers te chu he portal/website siam thar turah hian an in register ngei ngei tur tih a ni. Unorganized worker portal a in-register lo te chuan he Code hnuaia hamthatna awm te hi an dawng ve thei tawh dawn lo a ni.

Tun dinhmunah hian unorganized workers te tan centralized database mumal taka kalpui ala awmlo a, database fel fai a awmloh avangin, Central/State Government chuan unorganized workers, migrant leh construction workers-te tiamin, an harsatnate hmuhpuia hriatsak a harsat hle a ni. He harsatna sukiang tur leh, awmze nei zawka unorganized workers-te tana hamthatna awm thei hrang hrang chak zawk leh felfai zawka kalpui theih anih nan he portal hi buatsaih a ni.

Ministry of Labour and Employment chuan Supreme Court order angin portal chu State sorkar tin tan hman theih turin a buatsaih mek a, State / Union Teritories Chief Secretaries leh administrators te hnenah mahni State / UT chhung theuh a unorganized workers awm zat atanga 10% tal thla khatah register turin a beisei a ni. NDUW project hi Ministry of Finance chuan pawmpui tawh in, he project hi May 2021 a hmang tan tur leh unorganized workers te registration tan theih tur a beisei a ni. He project hi tluang taka kalpui anih theih nan Nodal Officers pahnih pawh State Government chuan a ruat tawh bawk a ni.

Vawiina MSSSB meeting-ah hian Legislative Assembly aiawhin MSSSB member pahnih Pu V.L. Zaithanzama, MLA leh Pu C. Lalmuanpuia, MLA te an tel a. MSSB ah hian Unorganized Workers aiawhin NTUM, FUMTU, CITUM, MMA, AMFU, Truck Driver Association of Mizoram leh Chanchinbu Sem Association te an tel a. Employers of Unorganized Workers aiawhin PWD, PHE, MIMA, MJA, MMCOA, Commercial Vehicle JAC leh MCI te an tel a. Eminent Civil Society aiawhin CYMA, MHIP, Hnam Chhantu Pawl, Human Rights & Law Network leh Centre for Peace & Development te an tel a. State Sokar aiawhin SWD, H&FW, I&PR, LESDE, Agriculture Department leh Commerce & Industries Department te an tel bawk a ni.