No.1223/2021-2022

Mamit 2nd July, 2021 : Vawiin khan Dr. Lalrozama, IAS, Mamit District Bawrhsap chuan Aspirational District hnuaia Upliftment of Low Performing Villages Programme Project kalpui mekah ngawrh zawka hmalak ngaih zualna Khaw 23 zing ami Sihthiang khua a tlawh a. Hmasawnna hna thawh mekte a hmunah kalin a enfiah nghal bawk.

Dr. Lalrozama hi Sihthiang khawtlang hruaitute leh Official awmte nen inkawmhona neiin District chhunga hmasawnna kawnga hnufual bik khuate chu theih ang anga tlawh thin anih thu a sawi a. Covid hrileng avangin duh anga hmalak theih a ni lo chu pawi a tih thu sawiin a theih chin chinah hriselna, Zirna, Financial bakah hmasawnna tur kawng hrang hrangah chak lehzuala hmalakna kalpui zel turin a chah.

District Bawrhsap hian Aspirational District hnuaia khawtlangin hma a sawn theih nan Campaign Material te Village Council hruaitute kutah a hlan nghal a. He Campaign Material hi Nu leh naute hriselna, ziak leh chhiar abik takin puitling tan financial inclusion scheme - PMSBY, PMJBY, PMJDY bakah Covid-19 Appropriate Behaviour te a tel a ni.

Vawiin vek hian REC CSR Project hnuaia Health Infrastructure Project hnuaia Sub- Centre, Type I leh Type II Quarter sak, Rengdil leh Zamuang khua ami chu Mamit District bawrhsap hi a enfiah nghal bawk.