ATMA, Siaha Block te chuan Khaw hrang hrangah Fall Armyworm in Vaimim a tihchhiat, Loneitute hnenah zirtirna pein hun an hmang.

May ni 6, 2019 Thawhtanni khan ATMA, Siaha Block buatsaihin Tisopi khuaa Loneitute hnenah tunlaia Vaimin eichhetu Pangang (Fall Armyworm) chungchang zirtirna neih a ni a, he hunah hian Pi Rachael Chozah, Scientist (Plant Protection) KVK chuan Fall Armyworm chungchang leh Vaimin bakah thlai dang te pawh a khawihchhiat nasat theih zia te, Vamim eitu Pangang hi rang taka damdawia kah a, Vaimim chu enkawl vat a ?ul zia loneitute hnenah zirtirna a pe a.  A enkawlna tur damdawite leh a hman dan tur an Lo (huan) hmun ngeiah kalchilhin zirtirna hun a hmang a ni. Damdawi pawh Loneitute hnenah sem nghal a ni.

ATMA, Siaha Block hian kar hmasa lam khan Siaha khawchhung hmun thenkhatah leh heng khua Thosai, Chakhei, Siata, Iana, Chhaolo, Lobo leh No-aotlâh khuaah te Agriculture Department, Siaha nen tangkawpin Agriculture lama mithiam Pu Vabeilaiku Chozah, AEO te, Pi Elizabeth Khaimeichho Project Director, ATMA leh Pu James Vabeingiachhie, Gram Savak, DAO Office te chuan zirtirna an lo pe tawh bawk a ni. Loneitute hnenah Damdawi hi a remchan dan ang zelin an sem nghal bawk a ni.

ATMA, Siaha Block hian an Block huam chhung khaw hrang hranga zirtirna an la pek lohna hmunah zirtirna pe zel turin hma an la mek bawk a ni.