No.7057/2020-2021
Mizoram Sawrkarin Order No.B. 13021/ 101/2020-DMR/Vol-III dated 02.12.2020 hmangin Clause F(4) hnuaia State pawn lam lirthei, a bikin bungraw phur, driver leh handyman te chu, Vairengte check gate-a RAgT paltlang lova awlsam zawka an lo luh theihna'n screening chauh paltlang tir an ni a. Hei hi lirthei tam tak driver leh handyman ten hmang sualin an bungrua an unload hnuah Sawrkar thupek anga let leh mai lovin Mizoram hmun hrang hrangah kal kualin backload changin rei tak tak an cham thin tih hriat a ni a. Chuvangin, tun chinah chuan a hnuaia tarlan ang hian Sawrkar chuan Vairengte a lirthei lo lut te tan ruahmanna a siam a, entry point dang erawh an kal dan pangngai in an kal ang:
1. Lirthei driver leh handyman bungraw dah hnu a backload chang duh te chu (Vairengte check gate-ah) COVID-19 negative certificate (RT-PCR/TrueNat/CBNAAT darkar 96 aia upa lo) nen an in report tur a ni. Heng certificate neilo te chu Vairengte ah man chawiin test an ni ang a, COVID-19 positive an nih chuan Mizoram chhunga CCC hnai berah dah an ni ang.
2. Driver leh handyman backload la tur, a chunga tarlan zawm si lo te chu man chhuah an nih chuan the Mizoram (Containment and Prevention of the Spread of COVID-19) Act, 2020, Section 5 (9) hnuaiah hrem an ni ang.
3. District Level Task Force (DLTF) ten an District chhunga bungraw phur lirthei lo lut te chuan a chunga dan te an zawm leh zawm loh te uluk takin an endik thin tur a ni.
4. Vairengte a lirthei lo lut driver leh handyman te chu an thil phurh an unload zawh veleh an kir leh nghal dawn a nih chuan COVID-19 negative certificate emaw Vairengte a test paltlang kher a ngai lovang.
